ÇICIS YEW DÎNYAYA TIM HA YEW KAYA

Na dînya di hewlun hey duni bermı
Afatê yew dînya pêşen feknermi
Bîn payuna cawyen keso rîgermi
Çicis yew dînyaya tim ha yew kaya
Bi zulım u zulmat dînya ha paya

Çerxê felek şıkyo her çî dekowto
Bilbil pel şuneno telı pakowto
Feryad rasa asmîn çew nêken sewto
Çıcıs yew dînyaya tım ha yew kaya
Bı zulım u zulmat dînya ha paya

Serdestuna giryen wayîrê dekun
Merdımo cummerd ho giryeno fekun
Sarey xwi wedartey nun' fekê çekun
Çıcıs yew dînyaya tım ha yew kaya
Bı zulım u zulmat dînya ha paya

Tey keye nêbeno tede dost çîno
Însun ho kişyeno rişyena gwîno
Hol tira adîye hey şînî nîno
Çıcıs yew dînysya tım ha yew kaya
Bı zulım u zulmat dînya ha paya

Gwînê ma ercuna hesir ha çıma
Ma giney bın bın ro çew dest nêdun ma
Telqînê heq dîya bivine Homa
Çıcıs yew dînyaya tim ha yew kaya
Bı zulım u zulmat dînya ha paya

UMER FARUQ ERSOZ

HELEPÇE

Dunya nidî in qedê bela
Helepce mar bi Kerbela
Ma remê kuêyund bî vıla
Helepçe mar bi Kerbela

Helepçed Saddam bı Yezîd
Ma gınê erdır vêr bêrîd
Dadîn gun da pêr wêvêrid
Helepçe mar bi Kerbela.

In zılım çöv nı eşnawıt
Kimyasal zerrê ma cawit
Zalımun mar cellad şırawıt
Helepçe mar bi Kerbela.

Yı zê Hitler mar zulım kerd
Zê Stalîn mad hukım kerd
La ma mazlumun yîr sekerd?
Helepçe mar bi Kerbela.

Ez Helepçed yo mazluma
Mazlumunir wari kenû Huma
Bê wahîrûnîr ben wahîr Rabbî ma
Helepçe mar bi Kerbela.

Yo buê sayun omê zıncê ma
Ma nızuna ına yo duma
Qîrî nalî kot qıcu ma
Helepçe mar bi Kerbela.

Ey mazlum bêwahîr Helepçe!
Çıra gıno tuîr kelepçe
Cîgêr ma bı parçe parçe
Helepçe mar bi Kerbela

Qıjûn verardê dadîd gun da
Babî bı biçare vênda
İnsunatî itîad merda
Helepçe mar bi Kerbela.

Ena sêni yo hewara
Bomba bî merg; ma ser vara
Ma dî, bikesî çend zuara,
Helepçe mar bi Kerbela.

Beden vêşay, zun ma bî lal
Tı wahîr ma vêc Ya Zel Celal
Dunya kota sêni yo hal
Helepçe mar bi Kerbela.

Punc hêzar şehid yob cad kot
Kimyasalu bedên ma pot
Pê bombu umê ma ser mowtî
Helepçe mar bi Kerbela.

Yo deqad Helepçe rıjya
Pê hızaru bî darbıcê
Hem ma bî macir vecyê
Helepçe mar bi Kerbela.

Ey medeniyet! Tı ça mêndî?
Mezêlûn ê mazlumu, tuı kêndîy
En zalımû tuera gurêtî fêndî
Helepçe mar bi Kerbela.

In Feqir ho naleno vunû
Hem bıbermîn hem in şiir bivûnîn
Wa pîyorê ‘alem pê bızunû
Helepçe mar bi Kerbela.

Abdullah Narin