Uca ra enê namey girotib.
Nameyê ey esilî Malla Kêkûn bi.
Vatişan gore, Kêkûn hiri birayî bi.
Yew birayê ey Kelaxsî de manenû, yew Çirraxirabî de, yew zî, mazrê Kelaxsî, Safarûn de ca danû xo.
Enê hiri hemî dewê Kêkûnî bi, ke pîyê ey ra mendibî.
Malla merdimêkê dîndar bi. Heft (7) caran zewac kerdi bi. enê zewacanra, zaf qîjê ame bi dinya. Kes nêzanên çend qîjê ey estbî; vatişan gore, nêzdîkê 40 qîjê ey ameyê dinya.
Eyro, bi torun û qîjê Malla ra, nêzdîkê 300 kes estî. Safarûn têna dewê Malla û qîjê ey ya.
Ez wazena yew hadisey Malla û raştîya ey ser binusî.
Vatişan gore, hiri lacê Malla şinî rahar yew Hecîyonîcî birnenî û ey darb kenî. Hecîyonîc şinû huqmatî û gerrê xo kenû.
Roj mehkema: Mudeomomî Hecîyonîc ra persenû:
— Şahidê to esto? Dawa çi yo?
Hecîyonîc Mudeomomî ra vano:
— Şahidê mi esto.
Hecîyonîc zano kî,
Malla şahidîya ey keno, û Malla raştî ra şaş nêbeno.
Enê meselayî ser,
huqmat müfrezêk finenu rahar.
Müfrez şinû Safarûn, hiri lacanê Mallay tepişenû, unu Darehênî ra vecenû verê mehkema.
Mudeomomî wazeno ke kirarî tepistis bidu pîyorê lacan mallay hêps bikerû. Hakim zî vatê Mudeumumî ser qerarê tepiştişî dano.
Roca mehkemayê diyin di . Celbê huqmatî şinu Mallay dest.
Malla şinû mehkema.
Sob"ına merdim Mallay ra vanî:
— Malla, ti ifadeyê xo bidî, lacê to toqif benî. Ti bê vatışê ma bikî, ifadeyê xo bidî?
Malla vano:
— Şima sarê mi tera bikerî, ez raştî ra şaş nêbena.
Siba ez çi riyan şina huzurê Homayî?
Malla qerarê xo ra nêgerena. Verê mehkeme, vera lacanê xo raştîya xo vano.
Mudeomomî Malla ra persenû:
— Nê merdimî derheqê lacanê to de gerrê kerdo. Vano ke hiri lacê Malla ameyê verê mi û mi darb kerdo. Malla zî şahidê mi ya. Ti çi vanê?
Malla vano:
— Mudeomomî beg, nê merdimî raşt vano. Lacê mi bîla heq û bê sebeb şîyê verê nê merdimî û ey darb kerdo.
Mi pê çimê xo dî.
Mudeomomî û hakim, pê ifade Malla, sera hîri lacan Mallay toqîf kênî.
Bacê merdimî Malla şinî Hecîyonîcî vînenî. Xo miyan di Hecîyonîcî razî kenî. Hecîyonîc zî şinû û gerrê xo tepîya genû.
Mêhkema diyinî de, lacanê Malla azad kenî.
Homayî rehmê xo pê bikero.
La belê, dinyad zê Mallay insan zaf kêm esti..
Merselê Malla zî Safarun in qede bî.
Irfan Kaya
