Waxt vêrî yew ağa û xizmekarê xo estî. Yew roc pîya pê êrebê ağayî şî bacar. Rahar êyn benû di cê. Astor êrebî ser raharî sil kenû.
Ağa xob xo fıkriyenû. Ağa zano çima xizmekarê êrebê êyd esto. Ağa qayilû xizmekarî kay (dem) bikû. Ağa vano:
— Ero Memo, ti in sil astor borî, ez in êrebê xo dûno to.
Mem xob xo fıkriyenû û qirarê xo dano. Bênd astor dûn destê ağayî û êrebe ra yenû war. Sil êrd ra dûn arye û wenû.
Ağa vano:
— Memo, in êrebê na sehat ra pê ê tuyo.
Ağa poşman benû, la bele êrebê bîyû malê xizmekarî.
Mem sil werdış serê ra zaf qehrîyenû. Şeref û xesletê Mem bîyû ponc perê.
Ağa û Mem gurê xo bacarî vênênî û tepîya agêren dewê xo. Raharî de yewbînonî qisê nêkenî. Yên cag o Mem gi werdû, ucad vindênî.
Ağa vano:
— Memo, mi yew xeletî kerd, êrebê mi destra şî. Bê ez heqê gi werdışî to bıdî, êrebê mi tepîya bid mi?
Fêk Mem ra hema boyê gî yena û hêrs bîyayo.
Mem agêren ağayî vano:
— Tamam, de têz bê war. Êrd ra o gî vişk arye û bor. Ez êrebê tura nêgeno, tepîya dano to.
Ağa êrebê ra yenû war, êrd ra gî vişk dûn arye û wenû.
Dima qên raharî yên nizdê dew. Mem vano:
— Ağa, waxtîg ma şînî bacar, êrebê ê to bî. Ma tepîya agêyrê dew, êrebê honc ê tuyo.
La ey ci gîb ma werd.
13.01.2014
