Kê Şex Êli Pali dewe Bismil Çilsutun ra amey Palê.
Vatışan gore, zewacê xo verîn dewe Pali Ekrag dı vıraştıbı.
Kes derheqê nı zewac dı zaf çi nê arda zuwan ser.
Na mersela ni zewac yeno zuwan ser.
Brayê Şex Sêid, Şex Mehdî Efendî, badê surgûnê Hayranbolu ra pey yeno dewe Sivûn Gaz.
Mazrê Gaz, Hemekra Fatma honimid zewacê xo yê diyin kenû.
Yew mudet ra pey şinû Haşbuêr. Dima Çirraxırab, Kelaxsi, Hûn dı cuwiyenû.
Cuwiyayışê Hêmek dı na mersela ê serra viyerenê.
Ekrag ra Yib Îs Ferhi dewun ra “Gendar” dênî aryê, pê idareyê xo kerdinî.
Yew ruec yeno Hêmek qayilû şêru kê Mist Mallê Êhmedî.
Şinû ver bêrê xal Mist.
A deka Şex Mehdi kê xal Mist ra vecîyenu teber û şêru kê xo.
Şex çim ginenu Yîb Îs, la belê Yîb nêşinasnenû; onênu yew merdim xerib û ca a hêl vunû:
— Cê xwi di vinder, ti yewna gom berz î, ez to kişeno!
Pê xwi ra dabuncê xo zî uncen û destê bind zî Çunqalê ê romenû Yîb ser.
Yîb zî Şex nêşinasnenû.
Sêr “Hêr” xo ra Tüerzin xo genu xo dest û yo zî romenû Şex ser.
Şex dest dı dabuncê esto.
Yîb dabuncê vinênû, pê ser tepîya gomûn xo erzenû, Şex zî ê dima.
A deqa xal Mist vengê eyn ra vecîyenu teber, onênu Şex û Yîb tyê ver vindertî.
Dest yin di dabunce û Tüerzin vînenu û vunû:
— Yibo ero, ew merdim Şex Mehdi Efendiyû!
Yîb vengê xal Mist sera Şex ra vunû:
— Ma xalon şimay!
Şex vunû:
— Şima xalon may, la şima gera berz î ma sera!
Irfan KAYA
Hiç yorum yok:
Yorum Gönder