Zwexpa û Tunst di dewê Gowderî de bî. Binatê enê di dewûn pêyati nîm sehet esto.
Ni di dewûn ra, Zwexpa Tunst ra cor qeme di mîyan yew çalda, Tunst zî Zwehpa ra cêr monêna.
Awê Hêgan û baxçan Tunsticon mintiqay Begler ra şina. Begler yew mintiqay Zwehpaya.
Zwehpayîcî rê rê na awk birnênî, hegay û baxçê Tunsticon bê awk mendinî. Tunstic yên pîyê ser, vanê:
— Ma şerî Zwehpayicon derheqê awkî de muşewere bikerî. Qey awkê ma birnênî, hegan û baxçan ma bê awk verdênî.
Xo miyanê xo de, çend merdiman ra yew qeflê non pîyê ra û şinî Zwehpa, kê rehmeta Êl Êyş.
Zwehpayic qom û qilafetê xo de Tunsticon goreyê zihm û dêrg î.
Tunstic yên kê Êl Êyş bênî meyman. Êlî venda çend dewicun danû. Ni dewic Hüsik Kek Êyş, Hêm Fatê Birun, Hüsnî Kî Rej, Êl Gûl û muxtar Yib Êm î.
Ni ponc hemê zî qom û qilafetê xo de êyn cado.
Tek tek, bêr vadî ra, quêni zere. Yew Zwepayic erê yenû zere, yew Tunstic onênû qom û qilafetê ê ra tersenû.
Hüsik Kek Êyş zaf yarûn yew merdim bi. Onênû Tunstic tersenû.
Ageyrenû Tunstic û vûnû:
— Laco, qey ti tersay?
Tunstic vûnû:
— Xal Hüs, de bon! Inonra çend gird û qet nimonen sobina însûnûn!
Hüsik vûnû:
— Ti meun qom û qilafetê inon ra!
Ya sêr, yew zirqet da bî inonra yewî, ters vera mîz verdabî xo.
Xal Hûsik zaf yarunib.
Inon pîyorun dinyê xo bedelnaya.
Homa rehm pîyorinêr biku.
Hiç yorum yok:
Yorum Gönder