HÊCÎ HESEN KÊ SAF

Hêcî Hesen kê Saf, dewe Gowderî Zûver ra bi.

Edenad cuwîyênî:
“Homa rehmê xo pê bikero, Hêcî miyan qomê xo di merdimê êsayî bi.”

Qalê ey miyan qomê xo di perê kerdinî.

Hêcî meselê Kirdan ser zaf hişyar bi.

1992 di, ez Edenad di şev biya meymanê Hêcî.

Ew waxt Hêcî yew bolê kitaban êrnabi û her roj yew di sehet kitab wendinî.

In waziyet Hêcî zaf wêş mina şibi.

Serran ê di zaf kêm însanî ma kitab wendînî.

Qayîl bi zunayê xo zêde bikero û meselê milletê ma bidû şarî ma qebûlkerdiş.

Yew lacê Hêcî, 1991 di bibi şerwanê PKK.

Lacê Hêcî, 1992 di dewe Piran, Pîrejman di şehîd kewtibi.

Kiştişê lacê xo serê zêdera miyanê sîyaset di cê xo girotib.

Sêr yi viyertibi, ê seran ra pêy omeb Ewropad û meselê Kirdan ser xebat kerdîn.

Hêcî, badê kiştişê lacê xo, zaf tê serra diya.

1993 di amebi Çolig. Ca ci nidîyênî. Çolig û Xarpêt id gêrênî propaganda kerdînî. Kam vera meselê Kirdan bivindertînî zaf şinî êyn ser, qayîlê insanan bûnc mîyan dehway Kirdûn.

Ew waxt Zûver di, di merdimanê nebbaş estibî. Ê merdiman gerrê şarî xo şînî, hukumat id kerdîn.

Ê merdiman ra yew muhtarê dew bi.

PKK, ew waxt kotibî muxtar dima. Çend rê muxtar hişyar kerdibî, la bele tewe muxtar serê nişînî, fehlê xo ya pîs devom kerdînî.

Zûveric zaf pê decênî. La bele tewe dewîcon destra nomênî.

Şerwanê PKK rocek reçê muxtar rûmenî.

Muxtar vêr rûyê Muradîd unî, fasal û tepîşênî.

Muxtar pê destanê xeneqnênî, dima la êrzênî milê muxtar û pirdê Zûver di aleqnênî.

Muxtar yew roj pird ser aleqnayê mendibi.

Hukumat xeber gen û yenî.

Tirmê muxtar pird serra unî war.

Mudeûmumî kêşîf tirm ken, tirmê muxtar têslîm merdimanê ê kênû.

Xeneqnayişê muxtar zaf weş Hêcî ya şibi.

Hêcî vatibi:

“Kam tirmê ê hayin bişû, ez nûna daykê ey.”

Yew merdim vun:

— Hêcî ap, to mallê dewo yî. Lazim o apê to tirmê ê bişû.

Hêcî vun:

— Apê mi bişu, ez nûna daykê êy zî.

31.12.2013

Irfan KAYA