Zekî Malla Mêmîş çend sêr vêrî dinyaya xo bedelnay. Sêrî ey 85 sêr estibî.
Zekî mehmurê ra teqawît bîbî.
Çolig di serê ey ra çend embazî yî estîbî. Piyore şî rehmet, eyro dinya di nîyê.
Nê embazanê Zekî ra yewî Şînek ra, rehmeta M. Êlî Badan û Az ra Silêmon Hêcî bî.
Nê her di embazî Zekî merdimê êsayî bîy.
Çolîgîd herkes êyn şinasnênî.
Babê M. Êlî Badan û Silêmon Hêcî, 1925 di meselê Şêxî de, Diyarbekir de ameyî aleqnayîş.
Ew waxt M. Êlî û Silêmon hema pîzê dayikê xo de bîy.
Nê embazî rey-rey yenî yew ca û teraqnênî.
Ê zaf rey serranê xo kenî qic, yan zî serranê xo nîmnênî; raşt nêvanî.
Zekî yew roj nê her di embazanê ho ra vîyeno:
— Lîya embazî, şima qey xo xapînênî?
— Ez eşkeno serranê xo vînkerî.
La şima her di heme nişkênî serranê xo vînkerî.
— Çi ra şima neşkênî serranê xo vînkerî?
— Rid, babîyanê xo ra şima her di heme zî neşkênî serranê xo vînkerî.
— Şima serranê xo vînkerî, şima babiyanê xo înkar kenî!
— O waxt şima bênî veledê zîna!
— No welat ma de, Çolig de, herkes eşkeno serranê xo qic kero; la şima wextê heme neşkênî serranê xo qic bikerî.
— Wa inê pîyore Çolîg bizon!
İrfan Kaya
Hiç yorum yok:
Yorum Gönder