1925 di pa lacan ê ya zafî merdimê destê huqmat ra yên kiştiş. Hêdisî dima, Mahkeme-î İstiklal derheq hirî lacan ê di qîrarê xeneqnayişi duna.
Lacê ê Faîk, Seîd û İbrahim î.
Hêkimê mehkeme, verê ke qîrarê xeneqnayişi bidê, Derdê Mîrun ra pers kenê û vûnê:
— Ti kam lacê xo wazena?
Ti biwazî ma ê nêxeneqnênî,
labelê ti gera mîyanê lacanê xo di yew bivicinî.
Mehkeme ni heq dawo.
Tı vûna se?
Derdê Mîrun bêqîrarê menena,
labelê hirî lacanê xo ra zaf hês kena.
Lacê êyo qij, İbrahim, hema şeş aşm verî zewecîya bi.
La belê,
Derdê Mîrun hemê lacanê xo ra zî hês kena û derheqê lacanê xo di qayîl niya ke yew qîrar bigero. Ni waziyet weşê Hêkîm nişina û hers ra qayîlo zerê Derdê Mîrun biweşîno.
Di encam zî, derheqê hirî lacanê yê qîrarê xeneqnayişi dunî.
Rojê infaz di, verê çimanê Derdê Mîrun, lacê êyo qij, İbrahim, xeneqnenê.
Dima zî lacan binan çimon Derd ver di xeneqnenê.
Bê lacanê ê, sobîna merdimanê zî xeneqnenê.
Waxtê infaz di,
Derdê Mîrun pê çimanê xo xeneqnayişê lacan û merdimanê xo pîyorin vênena.
La belê, verê dişmenan di hêsiron xo nêrişnena.
A hêsron xo rişnêna zerê xo.
Pê deston xo ya milê lacanê xora la gena.
Çend perê yê estî se xerc kena, û pê deston xo lacanê xo finêna qebr. Dima ageyrena dewê xo.
Ni hêdisê pîyorê Cebaxçor pê hêsîyenê û şinê qê Derdê Mîran.
Zafî Cebaxçuricî Derdê Mîran ra lomê xo kenê:
— Qey lacanê xo dima nêbermaya!
Derdê Mîrun pê hêsîyena. Kam yênû qe êya agêyrena yin ra vûna:
— Şeref û hêsiyet kam esto se, verê dişmenan xo di gera decî xo teber nêdû, dişmen ma gêra pê şeyn nêbû!
Derheqê Derdê Mîrun ez zî qayîl bîya ke zaf çî binusî, la belê, derheqê ey de zaf çî e zî nizono.
Irfan KAYA
Hiç yorum yok:
Yorum Gönder