Hêdîsê Zuexpa (Sarê Wus Êli)

In hêdîsê 1940 di yew meydun.

Di merdim pîs şerêf û hêsîyet Zuexpa ser qayîl kay bikîr.

Inon ra Mesur Wûs Mêm Şabun ra hem zî warezê Zuexpayî cûn bi.

Merdim bîn dewe Gowderî Vinêrin ra Hês bi.

Nîyêt înon zaf xirabo.

Mesur dewîd bariğê Qasmun ra çim fînenu Sarê Wus Êli. Sar dedkêynay babî mi bî.

Vatişun gore Sar zaf rind yew kêynaya bî.

Mesûr vun:

— Ez gera yê biremn, gure wo pîs bîyarî ye ser.

Ina xeber zuar dewicon şina. In merdim yên pê Zuexpa Gomê estî. Ucad Far Êreb tepîşên, vun:

— Ti gera şer mar Sar bîyar!

Far Êreb vun:

— Ina bênamusê ez qabul niken. Ez niverden şima şeref Zuexpad kay bikîr!

Mesur û Hês destun û lingun Far bestên. Pawên şewib.

Mesur vun:

— Ez binê rakueno, wa çim tue Far serîb.

Far Êreb ew waxt wahar mal û milk bi.

Mesur şin huna.

Far vun:

— Heso, ti destun lingun mi akîr, ez di mejdîye perû dun tue.

Hês ra vun:

— Hê vêr ez destun û lingun Mesur besten. Ez şin di mejdîyu gen un dun tue. Mesur, ez in halîd bena dew.

Hês qabul ken.
Embazê hurd hemîn hindê di mejdîyuna

Far Êreb şin dew di mejdîyu gen agêyren vêr hurd bênamusun.

Perun un dun Hês, Hurd heme Mesur dêst yi bestê gên ben dew.
Far venden dewicun vun:

— Bîyerîn, in benamus mi ard, gurê yi bivînîn!

Dewic yên Mesur ucad kişên.

Hês têna monên.

Vatişun gore vûn, di Hatkîcu eşnawit Hêsîd di mejdîyê êst.

Hatkîc Hês fînên dum, pê gule wa Hês kişen, perun sera gên.

Şarê Gowderî in hurd benamusun ra xelîsyen.

Irfan Kaya