Xêlonîci û Hec Kekî Kêk Sêl.

Xêlûnîc zaf mal û milk ra hês kênî.

Ez eşkena vacî: Xêlûnîc mîyandi feqîr çînû. İdarê pîyorê Xêlûnîc zaf hol û. Mal, milk, pere… yewna çî yin vîrdî nêbî.

                      **X      X      X**

Ez qayîla Xêlûnîcu ser in nişte xo di, di meselon vacî:

Qadîrunra Xalit Selhûn semedê xebat yeno Almanya.

Bahçun Almonunid waxt sayû say çînenû.

Halit vêceno sêr sayer. A hêl cewê yira perê hurdî rişênî erd.

Sayer ra yeno war, mîyan vaşî ra perûnê xwî dano arye û umareno.

Onênû yew mark kêma.

Yew sehatra zêde geren, la belê nişkeno bivîno.

Embaz yi tera vano:

— Xalit, ti hin hê gêrên a mark! To îkê 10 mark perê qezenc kerdib!

Xalit agêreno, embaz xo ra vano:

— Herê mi qinra! A mark cew ra şina!

Embaz vano:

— Çima, Xalit? Qey to 10 mark nêvînenî? U to kot yew mark dima?

Xalit vano:

— 10 mark û say honc ê minê? Bê mi kom in sayu çînenû?

Embaz mend, xo ra vano:

— Lo, ez çi vacî?

Xalit zî sayerê xo dima, pere xo dima, markê xo dima fikriyeno.

                      **X      X      X**

Rehmeta Hêc Kêkî Sêl Mendû ra wo.

Yew merdim rocêk tira vano:

— Hec Kêkî, in rehmeta Êwdilê Mehmud Doryeş (Bazencir) Azic bîyû Vekîl Çolig. Her seçimid xo nun rue. Qêy ti Vêkîlêr xwî nênûn ruê? Dormalê to zaf hera wo. Gowderîc zî zafî rey dan to.

Hêc Kekî vano:

— Lêr mi yew wayê mi zê Mircik (wayê Hêc Êwdila) çinka ez qezenc bikêrî.

Merdim vano:

— Qey kom, sima Gowderîc esti?

Hec Kêkî vano:

— Nifisê memleket nîmo yo, duêlê Mircik o! pîyorîz rey dan Hec Êwdilê!

Hec Kêkî mendoy, dima vano:

“Yew wayê mi zê Mircik bîbîn, mi zî xo nênî ro!”

Homa rehmê xwî hîri heme pîlon ma — Mircik, Hec Kêkî û Hec Êvdilla — bikû.