PIYANGO

Piyango

1965 bi ma hema 6 yan 7 serebî.
Cirûn ma Yib Qasun Xelon ra bi.

A ser 25 hezar perê cîr pîyangora vecîyabî.
Yib Qasun, bi fötr şovkê xo, yeno mi vîr. Yib kerrê mezelun taştîn.

In semedra Çoligîcu tera vatin: “Yib mezelcî.”
Xal Yib pê perûn piyangoya yew Astuara spi girotib.

Ew waxt Çoligîd tomafîl çinêbî. Yib pê Astuara şînî çarşu omênî kyê.
Xal Yib hol miqat Asturê xo bînî.

Zerê Eywunê xal Yib’îd zerrê çuvalunîd eskic girotib; nêbî pîyê ser.

Ma qij şînî kê xal Yib. Cenekê xal Yib, xala Fehîma, eskic Astuarin dên ma, ma werdînî.

Rid eskicun ra ma qij ver bêr, xal Yib ra nileqenî.

Xal Yib, di serra pê perê pîyor, dê Astuar werdîs û perê xo awkê xwî untibî.

Xal Yib idarê ra bibi sist û dima bibi dendar.

Xal Yib kê xo girot, şibi Diyarbekir. Uca ra zî şibî Îzmîr.
Uca dinyê xo bedelnay bi. Hem cirûn, hem zî şinasî ma bi.

Ma cîr zaf qehrîyê bi.
Perê pîyango xal Yib’î rîz xer nêardî bî.

Homa rehmê xo cîr bikero.

İrfan Kaya