Ez zano ke zaf kes faslê spî ra hês keno. Faslê spî cuvîyayîşê mi rê zaf mûhîm o. In semed ra mi waşt ez binûsî.
Rêhmeta babî mi cahîlê xo di qeçax eskerî bi. 1961 di şibî esker. Waxtê ke şibî esker, ez 2 serebîya.
Rêhmeta dayî mi vatîni:
“A ser zimiston zaf vewr varêbî. To serd girotîb, ti bibî niweş. Adirê to zaf berz bibi, to hêvale vîyarnabî.”
Ma ti berd toxtor. Toxtor nêzdî 20 derzîn “Penîsîlîn” dabi to. Ê derzînû ew waxt Mehlad rêhmeta Sabrê Xun her roj amênî kê ma, danî tor.
Ti weş nîbi. Ma rêna ti berdi bî toxtor, honcî derzîn dabi to. Ti zaf bibî neçar.
Rêhmeta Sabr çerme tuê kerdin berz, derzîn bîn çermîra kerdin wuar. Rid niweşî ra halê to hîn çinêbi.
Her roj cenî mehla û şinasî amênî kê ma, niwêşîyê to pers kerdînî. Omîdê mi hîn nîmenî bî. Ma vatînî:
“Irfan eyr û siba hîn mireno.”
Dayk vatîn:
“Yew şev honcî cirun amêbî pîyeser.”
Züver ra rêhmeta ÊwdilKadir kê Awlê Mistûn û cênîyê ye xala Bes pîya amebî. Mehlad ew waxt hîri cenî namê yin Besî bi. In di cênî Sarconîc bî; yew ez a, bîn zî rêhmeta Besê Êwdilkadir bî.
Namê rêhmeta daykê mi zî Bes bî.
Êwdilkadir mi geno xo vera. Onenû ez ha lingan xo şunêno, cad fam keno ez ha yena xo ser.
Êwdilkadir dayê mi ra vano:
“Besê, to êyro çinê potû?”
Dayka mi vana:
“Êwdilkadir, mi Faslê spî potî.”
Êwdilkadir vano:
“Besê, binê Faslûn zerrê yew tasik û mîr biyar.”
Dayka mi tasê Faslûn, yew parçê nûn una duna Êwdilkadir.
Rêhmeta Êwdilkadir nûn ken hurdî û awê Faslûn miyan tîyodenû, u pê koçika nûn mi feka.
Rêhmeta Êwdilkadir vatînî:
“To a tasê Faslûn pîyor werd.”
Vatîn:
“Ez warişta pay mi. Ti Mînderig ez ser niştîba ro. Mi ti sêr mînderîd na ro û mi va: ‘Warzên wî.’”
Vûllay Irfon hîn nîmireno!
Homa rehmê xo cîr bikero.
Xal Êwdilkadir tim ez bidînî vatînî:
“Ero Irfan, mira nîbînî, ti gunî-gunî kiştinî. Derzînê toxtor ti weş nikerdi bi, mi ti pê Fasluna kerdibî weş.”
In semed ra ez Faslun zaf hês kena.
Zimiston, aşmêd en tay di rê kê ma Faslê pêşên. Rocek Faslê kê ma bipêş a, rocek ez ges ver bimirî, teberid tewe nîwena...
Hiç yorum yok:
Yorum Gönder