(%20) zî şarê ma yê Kurmanc cuwîyenî.
Bacar û dormaley, Darêhênî û Boglan (Solhan), pîyorê dewun û qismêk dewî Gexî, çend dewê Kanîreşî de Zazay cuwîyenî.
Gexî û Kanîreşî de zafî Kurmanc cuwîyenî.
Heta 1970 î, zereyê bacarî de çend keyê Kurmancun estbî.
Dewê Çolîg, Simsor û Sîmonî de, êşîrê Bêrtî ra çend keyî amebî ca da bi xo.
Qismêk şarê ma yê Çolîg waxtê verên de derheqê Kurmancun de zaf nezan bî.
Zanîya cênek , şarê Çolîg pîyor Zazay, Kurmancî zî xerîb hesebînenî.
Kurmanc kêm bî, tesîrê înan zaf çinêbî. Binatê şarê Çolîg û Kurmancun de têkilî zî zaf çinêbî.
Simsor, verê çemê Gonîg de, yew dewa awî û zergûn a.
Çend keyê Bêrtîyî amebî ca da bi xo; dewîc binî hemê Zazay bî.
Simsorîc emnon cilê xo tim verê çemê Gonîg de şitênî.
Yew cênek rocêk şina verê çemê Gonîg de cilonê xo şuwena. Waxtê benu teng û hetî yêrîya, keynê xo ra vana:
— Keynê mi, mi zaf arêq vetu. Ez qayîla sarê xo zî bişu. Ti bon der dormalê çem, kes amê se, venda mi bidê, ez cilonê xo piragerî.
Keyna vana:
— Tamam, dayê. Ti xo bişu, ez onîyena dormalê ra.
Cênek dest pê kena, sarê xo şuwena.
Keyna onîyena, cêr ra yew qeflê camêrdun hetê înan ra yenû. Vendena dayka xo û vana:
— Dayê, cilonê xo lez pirager! Yew qeflê camêrdun hê cêr ra yenî!
Qeflê şarê Gonîg û Kanîreşî şî bacar, hetî yêrîya têpîya ageyrênî dewunê xo.
Cênek zit warzena wi onêna vuna, camêrdun ra onîyena û ageyrêna keynê xo. Vana:
— Keynê mi, êyî camêrd nîyî; êyî Bêrtîyîcî!
Qismêk şarê Gonîgî zî bi Kurmancî qisê kenî û cîlî (kincî) yê înan mênên cilonê Bêrtîyî.
Zanayê cênek, gore qiseykerdişê Kurmancî, têna Bêrtîyîcî kênî.
Yena zunayiş cêneka Simsorîc, Kurmancun merdim ra nê hesebnena.
Irfan KAYA
Hiç yorum yok:
Yorum Gönder