TÎRÛNÊ ZAZON

Xarpêt û Têhtwun

Xarpêt û Têhtwun pê rêhar asin bestê yewbînanê. Çewras (50) ser’ra nat, miyabîn di bajarun di şarî ma pê Tîrun’a şini û omeni.

Binatê Palî (Palu) ra hettûn istesûnê Qela, piyorê dêwûn di Zazê cuwiyêni.

Qela ra pê deştê Mûş yêna, deştê Mûş ra tepişın hettûn Têhtwûn zî piyorê dêw ê Kurmuncunê.

Yêw êmbazi mi kurmunc vatini:

“Şarê şima şal û sêpik yin piredayê bi, zimbêli yin qalin bi, paşnê solûn yin (yumurta topuk) gulêr bi. Ma waxtag yin dînî, qurfê ma yinra kotinî.”

Ma xob xo fikriyêni, Huma bikêr û ma hettûn deştê Mûş zêrar nivin, sêbeno wa bibo.

İstesunê Qêla ra pê ma kêwtin deştê Mûş, ma nefes û pîl untini.

Ew waxt vêri milletê ma zunayê yin zî kêm bi.

Embaz vatinî ma niştînî tîrun, Zazê omêni zer’rê kompartmanunra geyrêni, ca veng bibinî vengê xo nêkerdînî, ca çinêbînî cirgênî ma ser û vatînî: “Tîrunê ma wa.”

Kom ca yîn nidênî se, dênî pê milê yîn vareznênî û yî niştînî ruê.

Kâm xerib ver bivêcînî, rê rê rapik zî werdînî.

Zaf rê zer’ê tirûn di hadisê bini. Ma Kurmuncun zaf xeqeret zî dîn’î.

Kurmunc feqîr hem şarî ma ra unciyenî , hem’î zî xob xo fıkrîyênî, vatînî: “Zazê wahar tirunê ma gera binê zê yîn tyo biyerî.”

Qismêk şarî Kurmuncûn inon kerdibî, xo mîyan di vatînî: “Tîrunê Zazuna.”

“Heq’ê yin esto yî runîşî ma pay vinderî.”

Ni semedra hêttun demo pêyin zî Palê ra hettûn deştê Mûş, zaf rê zer’rê tîrunid ma pay vindertînî. İsteson’ nûn di Zazê omenî war û şinî dewun xo. Kompartman ca ca bînî veng ma hima şînî te dê roniştînî.

Hettûn ene demo pêyîn zaf erê ma fam kerd kî tîrunê hûqmat’a. Ew waxt zî gurê gurêra viyertibî.

İrfan KAYA