Na mersela zî ê yew şinasîya...
şinasî ma bibi mehmur garbid, zevicyab û welat xonimê xo di xebîtyenî.
Xwîr perê nabî, pîyera yew tomafîla kihun girotibi. Aşmê rocê Remezunîd, pa qicon xoya pê tomafîlê omebî welat.
Tomafîlê xwî ver bon yinid, bîn darê Tûyerid parx kenû.
Gêrm imnonîd daykê xora vûn:
— Cillon mi emş sêr holid rak, ez sêr holid kono ra.
Mexsed yi şev zî tamaşê tomafilê xo bikir.
Imnon zaf germo. Tûyerra tûy darisayê rişyên sêr tomafîlê yi xetîkena, warzeno lehîf xo gen benû, erzeno sêr tomafîla û agêreno sêr cilê xo. Bê lehîf kueno ra.
Daykê embaz nimac sibê warzena nimac, yena sêr holî desmac bigerû. Çi bivînû, lacê yî bê lehîf şîyu hona.
Dayk vûna:
— Qe lehîf yi holî serra gino êrd.
Şina bîn holî, gêrena lehîf, nivênena. Ucad cilê qatirê yin bîn holîd yena yê dest û gena, una uncena lacê xo ser.
Tij vêcîyena, roc ben berz. Dadî şina sêr holî. Çi bivînû? Eg cilê qatir ha sêr lac yê unte.
Dadî vûna:
— Ero urdquar, to lehîf sekerd?
— Ina cilê qatir sêr sibê çîm mi zor abîn. Bin holid ina cil kot mi dest, bê hêmdîra mi arda unta to ser.
Lacê yê beno aya.
Vano:
— Dayê, şev mi dî tûy şîrîn he rişyên sêr tomafilê mi. Mi wa wa tomafîlê mi nê xetîko, mi berd êşt sêr tomafîlê xo. Bon ci lehîf ho sêr tomafîlid.
Dadî sina lêhîf bîyar. Ci bivînû, lehîf şîrê tuyanra bîyu zê çalpik. Mêyes hê ser kay kênî.
Dadî vûna:
— Lêr rî ma bi sîya! Şar pê bihêsîyu, ma şarî ra vûn se? To rezîlê arda çaqê! Bê to tomafîlê kês çinika?
Irfan Kaya
