Tarbasun waxt vêrî dewe Arminyonib.
Bad qiyom, Arminun erdê zafî kotib destê Êlî Beg (Ertugrul). Demo pêyînîd, hê vêr çend kîyê Azic, dima çend kêyê Kurmunc Gexî; û 1965 ra pê nizdê des kêyê Zuexpayic, ma Êlî Beg’ra êrd ernabi, tede ca dabi xu.
Mergê Êlî Begra pê, kê Hêcî Az’ra Hêc Hesen û brayê yi Hêc Êhmed (Baylaz), êrdê yîn destid zafîb. Ina rê yin zê wahar dew dewicun ser hûkum kerdîn.
Tarbasun dewa awîya û zerguna;
Ez qayîla yew mersela binatê Kê Hêcî Az û Zuexpayicun ma ser bîyarî zûvan ser.
Dewîcun mara yew xort, yew nahalê Hêc Êhmed Azic trawen û benu bacarid roşen. Binatê Kê Hêcî û dewicun ma xerîpyen.
Hêc Êhmed zuar nûn dewîcûn ma ser vun:
— Şima ina dew terk kên.
Dewîc ma hadîse amê rehmeta babî mira wa:
— Keko, ti bîyêr binatê ma û in Hêcî Az virazî. Heqê nahalê yi çend kenu, ma heqê yi bid ci, wa vengê xu bibirn.
Babî mi dûn ra şinû Tarbasun, kê Hêc Hesen Az.
Venden hûrd hetun yên pêser.
Hêc Êhmed vun:
— Gera inî îtara barkîr şîyer.
Babî mi vun:
— Çov dewra barniken nişîn. Heq tûe çend kên, ma heq tû dun. Şima pîya omîş bên.
Hêc Êhmed agêren babî mi vunu:
— Şima Zuexpayic cara dizd!
Ma dizdû ina dewid niwazên.
Babî mi vun:
— Hêcî, vullay, Zuexpayic dizd nîy. Dizd pîl şima Azic. Dewe ma Zuexpad çov dizde nikerdîn. In qij ma omê şima mîyon, şimara dizdê musay.
Birê Hêc Êhmed, Hêc Hesen, ew waxt niweşo mîyon cillundo.
Hêc Hesen cilra warzen û wi vun:
— Êhmo,
Kek Zuexpayic raşt vun. Cebaxcurid dizd meşhur ma Azicîb. Yew Nahal ser ma nişkên dew xirabînik.
— Heqê Nahal...
Qalê Kêk sera ez nigen.
In gure îta qedyo.
Fatîha vunen û bên vila.
Mi vaşt wa ina meselê pîllûn ma wa vîn niyeb.
Bimonîn weşîd.
Irfan Kaya
