Şex Tahar Efendî û qicê Malkara

Hûkmatê Tirkan, 1933 dî, Şex Tahar Efendî sürgûn şawênî Trakya.

Şex Tahar zaf zunayê yew merdimîb. Kam yo welat bişini, zaf lez şarî ucadî tekîlyatê viraştînî. Şex Tahar sürgûnîd tim veciyenû çarşûyê qezayê Malkara. Şarî ucad, pê zunayê xo, lez tekîlyatê viraştîbî.

Lacê Şex Tahar Efendî, Şex Fahrî, vatînî:

“Waxtê Hêrbê Cihan diyindî, babî mi radîo goştarî kerdinî. Derheqê hêrbîd çi bibînî, hem zunayê xo hem siyasêtê dinya ardînî zuvan ser.”

Şarê Malkara, ridî zunayê babayî ra, zaf qîmet dênî ci.

Vatînî Şex kêyera veciyenî teber, qicê mêhla (gede, doman) kotînî Şex Tahar dima.

Qic vanî:

— Kürd Tahir, Kürd Tahir!

Şarê Malkara, qicê xo temî kerdî; xo gorê pê qicona heqaret kênî Şex Tahar.

Şex Tahar qijon ra zaf hês kerdînî. Tim şeker, pisküvît û perê hurdi çinayê cêbîd bibinî, dênî qicûn.

Yew roc yew Kird benû memanê Şex Tahar Efendî.

Şex û memanê ê pîya kêyera vecîyen, şinî çarşû. Qic konî Şex dima, Tirki vanî:

— Kürd Tahir, Kürd Tahir!

Şex honc xo cêb'ra şeker û peran hûrdî vecenû, dûn qicûn.

Mêmana Şex zaf hêrs benû, vûnû:

— Efendî, ni qede nêbeno. To ra vanî “Kürd Tahir”, ti vengê xo niken. Ti ageyrên qicûn çî dûn? Qicûn înon, ti hol nikên.

Şex Tahar ageyrên memanê xo ra, vûnû:

— Qic raşt vanî. Tewe o xirab mira nivûn.

— La bivatînî: “Türk Tahir, Türk Tahir...” Mi sekerdinî? 😄