Êwdillah Kantoz babî Dr. Rodî Demirkapî bi.
1965 de Xarpetî ra beno namzetê wekîlan. Şinê yew dewê DEPî — Karakoçan.
Vecîyeno sêr yew kerra û dewicanra semedê xo rê rey wazeno.
Dewicanra vano:
— Şima kê xo di pîlawa goşt pocênî? Pilavê xo şima wênî, goştî xo top kênî û danî kutigê xo, yan zî goştî xo donî kutigê xerîban?
Dewîc vanî:
— Ma dûn kutigê xo.
Rehmetî Êwdillah vano:
— Ez olad şima wo. Şima sênî estê goştê xo danî kutigê xo, eyro reyê xo bideyn mi!
La bele, seçim benu. Dewîc reyê xo honcî donê kutigê xerîban û nêdonê Êwdillah.
Na mesela, Rehmetî Abdulmelik Firat kitabê xo “Anılarım” de zî nişta.
Rehmetî Abdulmelik Firat vano:
“Êy Êwdillah Kantoz!..
Torn to hema zî hê rêyê xo danî kutigonê şarî.”
Mi waştig ez na mesela şima ra bar bikerî.
Eyro millêtê Kird hema zî dişmenê xo dima ha şino.
Yew del vecîyeno vano:
“Öcalanra nêbo, Kird bênê dewlet.”
Öcalan newerdeno Kirdanra dewletê xo.
Teminatê Tirkîya Öcalan o.
Kirdanra veng nêvecîyeno.
Hîşarê Kirdan besto.
Nêvano hê delê:
“Ti kama? Ti çi kesîya?”
Yewna del vecîyeno vano:
“IŞİD tirbê Atatürk bomba kena, ez ha şima pê hêsînena.”
Atatürk babkalê ma nîyû.
IŞİD bomba kena, nêkena, ma ra çi lazimo?
Ina del, semedê Kobanî, Qamişlo, Efrîn, Cizîra, Sûr, Nisêbîn û Şirnaka tewe nêvîyena.
Tewe Atatürk yê girota.
“Karm dar darra nêbû, dar puç nêbena.”
Karm zerrê madî estî.
In karmon hettûn ma pak nêkenê; xelasê millêtê ma çinya?
Irfan Kaya
