Hewar Hewar Irfan mi ho mireno

Darû (Dermûn) mi Faslê spi.

Ez zano ki zede kes faslûn spî ra hês keno. Faslê spî cuvîyayîş midi zaf mûhîmi. In semedra mi waşt ez binûsî.

Rêhmeta Babî mi cahîlê xo di qeçax eskerî bi. 1961 di şibî esker. Waxtog şibî esker ez 2 serebîya. Rehmeta dadî vatîni a ser zimiston zaf vewr varêbî to serd girotîb ti bibî niweş, Adir to zaf berz bibi to hêvale vîyarnabî. Ma ti berd toxtor. Toxtor nizdê 20 derzîn "Penîsîlîn" dabi to. Ê derzînû ew waxt mehlad rêhmeta Sabrê Xun her roj amênî kê ma danî tor. Ti weş nîbi ma rêna ti berdi bî toxtor honcî derzin dabi to. Ti zaf bibî neçar. Rehmeta Sabr çerme tuê kerdin berz derzîn bîn çermîra kerdin wuar. Rid niweşîra hal to hîn çinêbi. Her roj cenî mehla û şinasî amênî kê ma niwêşîyê to pers kerdînî. Omîdê mi hîn nimendi bî. Ma vatînî Irfan eyr û siba hîn mireno.

Dadî vatîn, yew şev honcî cirun amêbî pîyeser. Züver ra rehmeta ÊwdilKadir kê Awlê Mistûn û cênîyê ye xala Bes pîya amebî. Mehlad ew waxt hîri cenî namê yin Besi bi. In di cênî Sarconîc bî ,yew ez a bîn zî rehmeta Bes"e Ewdıkadîr bî.Namê rehmeta daykê mi zî Bes bî. Êwdilkaadir mi geno xo vera, onenû ez ha lingan xo şunêno cad fam keno ez ha yena xo ser.

Êwdilkadir dayê mira vano Besê;

To êyro çinê potû?

Dayka mi vana Ewdilkadir mi Faslê spî potî.

Êwdilkadir vano : Besê binê Faslûn zerrê yew tasik û mîr biyar.Daykê mi tasê faslûn yew parçê nûn una duna Êwdilkadir.

Rehmeta Êwdilkadir nûn ken hurdî û awê Faslûn miyan û tîyodenû u pê koçika nûn mi feka. Rehmeta Êwdilkadir vatînî to a tasê faslûn pîyor werd.

Vatîn ez warişta pay mi ti Mînderig ez ser niştîba ro, mi ti sêr mînderîd na ro û mi va warzên wî.

Vûllay Irfon hîn nimiren.

Homa rehmê xwi cîr bikero Xal Êwdilkadir tim ez bidînî vatînî;

Ero Irfan, mira nibînî ti gunî gunî kiştinî. Derzîn toxtor ti weş nikerdi bi, mi ti pê fasluna kerdibî weş.

In semedra Faslunra ez zaf hês kena. Zimiston aşmid en tay di rê kê mad Faslê pêşên. Rocek Faslê kê madi bipêş a roc ez ges ver bimirî teberid tewe niwena,
Ina merselad namêg vîyêrên pîyor şî rehmet. Homa cê pîyorin cennet bikero.