Hela ke heywanê mîyanê merge de benî vila, her yew lîyre xu kaşkeno hetê cisê xu wa. Ma vaci eke bizek a şina bizeyan yan tuşkan hete, varek a şina meşnayan yan kaviran hete, cuna ya şina estoran yan mayînan hete. La hîkmetê Homayî ya, cehşik şino kuwena estoran, qatiran yan gayan dima. Estor û qatir pay danî piro, ga û manga pa estirîyana şunenê ci, la cehşikî ma hêna vazdano înan het. Bêciso, çirey nêşino pa hemcisanê xu wa, nêçereno.
Bîyo hezar serre ke Kurd î, bindestê cîrananê xu yî. Cîranê ma her tim vera ma, merdimî ma yên Kurd î dê xu desta û hetan ewro dişmenê ma bîyî serdest, la ma tim bindest de mendî.
Dewleta Tirkîya newe ra berek akerd, ma kurdan ra 5000 qorucî / cahşik geno.
Serr 1986 bi, dewicî mi Helîm Apûn ame keyê ma û va:
– Muxtar Hus Şêr Dowr vendayo mi û vûno, “Mi namey tu dayo qereqol, eke ti wazenî şu tifing biyer û qorucî bi.”
Mi ra persa va:
– Ti vûnî se?
Mi va:
– Eke ti ya mi kenî, meşo tifingê dewlet megeri. Siba ra bîyor tay Kurdî pa tifingana yenê Koyanê Çolîg û Golê Cebaxçûr ra geyrenî. Roca bîn gereka ti şêrî nameyê înan bidî dewlete.
– Nê ez gerreyê çewî nîkena.
– Ê koyî yenî vêr bêr tu genî û vûnî ; tifing o ke dewlete dayo tu, bidi ma.
– Nê ez çirey tifingî xu çewna nîdûno, tifing namus o.
– Madem ti îna vûnî meşo tifing megir. Va wa bo ez nîşino.
Mabeyn ra di hîrê serre vîyartî, rojna Halîm ame mi het û va:
– Tu dî tu nîverda ez xu rî tifing bigerî. Eyin ke tifing girotî, her aşme pê meaşê xu ya TV yan teftalo bîn ê newe anî keyeyê xu. Ti bîyî sebebê risqî mi.
– Sabir biki, ti peynîyê înan vînenî.
Zaf nivîyart rocek ma eşnawit ke; Rehm El, Sal Husnî û Yaş Îbîk eştbî lapatan ver, tifingê hîrêhemin zî tira girotbi. Seba ke zanayê xu, nêşîbî dewlete ra nêvabî.
Demek cuwapey ez û Halîm ma reyna raşt yewbînan ameyî, va:
– Homa tu verdo, tu ra nîbîn alayîyê Çolîg de ez zî eştên lapatûn û paskulûn ver.”
Vateyê verînanê ma wa ;
Tuerzîn şino geme ke dar bibirno,
Dare vato;
“Ti nêşkaynî mi bibirnî, la ez sekirî destê tu mi ra wo !”
Hiç yorum yok:
Yorum Gönder