Çırê Musyon

12 Şubat 2012 Pazar

Mellê Êhmedê Xasî !



Mellê Xasê êslê xo dewê Darêxenî Şîn ra bi.
Semeday ilmê xo şinu dewê Licê Hêzan û hêttan mergê xo Hêzan di cuwîyenu.

Hêzan dewê Şeyxona Medresê Hêzan di estibî.
Mellê Xasê zî ê  medresan di ders dêni. Ridê ilmê yera hemê Kird û dîndar yî şinasnênî.

Mellê 1899 di semeday niweşîyê xo şinu Istanbul û benû memanê Seyyîd Êwdilqadir.
Yew mude ra pê lokman hêqim vunu ti gera Fitiq ra binî kard' dî raqû.

Mellê ridê dîndarê xora vunu: Şima gera narqoz mi nê dî ew waxt ez quêna ra.
Lokman fikrê yi qabul kenu.

Mellê roja bîn bê narqoz êmeliyat benû, kam eşnawitu pê êceb moneno.
O deme nomê yi her cê Istanbulid yena zuvan. Êna xeber şina rasena sultan Abdulhamid zî.

Sultan venda Seyyîd Ewdilqadir dunu:
Tira vunu:
Yew Kirdê şima mi eşnawitu bê narqoz êmeliyat bîyu, ene merdim kamo ez qayîla yi vînî?

Seyyîd vunu :
Êfendî ene merdim yew Zazay ma wo, la belê memanê mino zî.

Sultan vunu:
Ti eşkênî biyarî mi het ezî qayila yî bivîn?

Seyyîd tepîya şinu qonaxê xo mellê ra vunu:
Mellê siba ma şîn Sarayê Sultan Êwdilhamid, yo qayilo to bişinasno  tî vunî sê?

Mellê vunu:
Ya Seyyîd ti  münasib vênen se ma şiyerî.

Roj bîn pîya dunî ra û şînî sarayê Sultan Êwdilhemîd.
Berê sarayê Sultan yew Laz pawênu û Seyyîd zî hol  şinasnenu.

Laz çim ginenû Seyyid Êwdilqadîr û Mellê Xasî'ya vunu:  
Hêr' ra(Eşek) vatû ti kirdî, Hêr hêrs bîyu hêftêyek vaş nêwerdu.

Mellê gêyrenu a Laz ra vunu:
Hêr heqê yî esto vaş newêru, dê mi pers çira newêrdu?

Laz merêq xora pers kenû:
Mellê ti von la qey vaş nêwerdu?

Mêllê vunu: 
Êslê Hêr Laz bi êyera nêwerdu, Hêr êsle xo înkar nêkerdu, êna qal serra hêrs biyu vaş nêwerdu.

Laz cara şaş bênu binê êne cevab di monenu.
Seyyîd agêyrenu yi vunu:
Her qal her cadê nêvacîyena.
Ti hênê ene qeydê qal'on talu gera nekî..

Mellê û Seyyîd Êwdilqadîr şînî verê Sultan Êwdilhêmîd, Seyyîd vunu :
Efendî merdimig to nomê yî eşnawito, ew merdım ino.

Sultan vunu to ra yew persê mi esto:
Mellê mi eşnawit ti Zazay, la belê şima Zazay yew millêt nîya, hêttan êyro hêma zuvan Zazaki dê yew kitab û yew niştê mi hêma nêdiyu, nê zî mi eşnawitu?

Ena qalê Sultan zorê mellê şina, mellê tepiya agêyrenu qonaxê Seyyid û şinu vadê xo yew hêftê nêweciyênu teber.
Zerrê yew hêftî di "Molid" Zazakî nüsenu.
Molid xo ra yew tenê zî erşawenu Sultan Êwdilhêmîd.

Zuvanî Zazakî di niştê û werîn yî niştû.
Homa cey yî cennet bikû.

İrfan KAYA

1 yorum: