ÇîM TO TIM MA FEQîRU BIRNENU

Na Mersela Miyabîn – 1960 û 1965 di Viyerta

Devê Pali Mir Êhmedun di semeday Bergul Zimistan, ceni dev şini veri la dê Xelle şûvenî.

Hetî yerîya varun dest kenû pê. Varun zedera varen û, hêb Xelley finenu xo ver  û tede benû.

Yew cênek zaf qehreyena û destun xo kena a û oniyena êzmîn ra, vuna:

— Ti qet neşarmayeni? Çim to ma feqîru birnenû, ina kerdine to qet weş nîya.

Vate cênek şinu goş cenekun bînan u, cênek bînî vindenî unenî cênek ra. Vuni:

— Çerray na qâl vacîyawa?

Cênek vuna:

— Şima zunî ma feqîrî, qey yo nezun û?

Vate dewican gore, cênek dew na cênek ra hers beni.

Yew mude û derg kes cênek di xêber nidun. Vaziyet cênekûn zor na cênek şinû. Cênek qehriyena û yew mudê u kilm di qehr xo ra mirêna.

Ey Çağ Şex Meydi Efendi (bray Şeh Sêid Efendi) pêy hêsyenû û merêq ken û, qîrar xo dun û:

— Ez gera şerî qebrê na cênek zîyaret bikerî.

Yew ruec dun û ra şinû Mir Êhmedun. Dewicun ra qebrê cênek pers kenû.

Dewîc vun:

— Efendi, qirbun na cênek sarê vedarit û Humay. Huma zi gon na cênek girewt û. Na cênek din îman ra vecya ya, Humay rêhmê xo ye nekerda, cayîz nêken û ti zi qebra na cênek zîyaret biker î.

Şex vunu:

— Na cênek yew cêneka zaf pîla. Şima qedr û kiymet na cênek nizunaya . Ew semedra ez omeya dewe şima. Na cênek qedr û qiymet ya mi hêt di zaf û.

Dewic vatê,

— Efendi, serâ şikenî û pers kenî.

Şex vunu:

— Na cênek neheqê kâbul nekerda. Şima cuwîyayiş xo dî tim nêheqe kâbul kerda. Ew semedra qedr û qiymet na cênek mi het di zaf û.

Dima Şex vunu,

— Şima qayîl bibî na cênek şima af biku sê.

Şima gera şerî qebrê ya ser û yê ra hêlalê biwazî.

Dewic pêy şaş benî.

Efendi ziyaret qebrê cênek dima dew ra tepîya agêrenû kê xo.

Irfan KAYA