ŞEYX TAHAR EFENDÎ Û MEBÛSÊ ÇOLîG

 Şêx Tahar Efendi, brayê Şêx Seîd Efendî yo qîcû. Şêx Tahar Efendi zaf zunayê bi, hem zî zaf yarûn bi.

Şêx Tahar Efendi, badê surgûnê xo, yew demê keyê xo uno Çewlig. Şêx Tahar Efendi merdimê feqîr bi. Şarê Çewlig ardimê xo ci kerdîn.

Waxtê Halk Partî dı 1940 û 1950an di, vatışan gore, mîrê Çewligra Rüştü Beg, Sîmsor, serokê Halk Partî yê Çewlig bi.

Rüştü Beg, Şêx Tahar Efendi bacarê Çewlig di kerdib vaazê cumiyê Hêcî Xidir.

Şêx yew roj eşnawenê mebusê Çewlig, Mustafa Okçuoğlu û Ferîdun Fikrî Düşünsel, yenê bênî meymanê müftî Abdullah Tutal.

Hûrd merdim zî Çewligîc nêbî. 

Mustafa Okçuoğlu Karakoçan (Dep) ra bi. Ferîdun Fikrî Düşünsel zî qezê Hozat (Dersim) ra bi.

Hûrd merdim zî waxtê Îsmet kerdî (Îsmet İnönü) bîbî mebusê Çewlig.

Şêx Tahar û mallêyê Cûmiyê, Hecî Hidir, Malla Seîd Mazrecik, gênê xo hêt şînê keyê müftî Abdillê.

Şêx Tahar Efendi tersê yî çinêbî. Qalê xo bûmên ca hêr cemaatîd vatin.

Sex û Malla sînî kê Müftî, Müftî bêrê xo akên, oniyenê Şêx û Malla Seîdî. Hem şaş benû, hem zî tersenû.

Müftî zûno, dişmenê Şêx Tahar Efendî hê zerrêdê, bêlya Şêx hêrsîb qalu tênapê bidu, meyman rahatsizîb.

Şêx kuen zere, silomê Humay don, enî ca rindî ronişenû. Müftî dest û lingê yî kuenê tî miyon.

Müftî amirê Şêx û la zunnayê û piltîyê Şêx ra hurmet kenû. 

Mebus cadê fahm kenîg nê merdim zaf merdim û pil o.

Cad müftî ra pers kenî:

— Nê merdim kamo? Ti bide ma şinasnayîşê se, ma pê keyfweş benê?

Müftî binêk kuenû tersê mehmurê xo wer, fêk-villay kenû, la bêlê nişken qale xo ber serê.

Efendî uniyenê müftî zaf tengunedo. Vunê:

— Avdillê, 

vinder, ez xo duna şinasnayîş. 

Nê merdimîg şıma vinênî. 

Nê merdim ew merdimî yo ke 1925 de varişt wî, hûkûmatê şima arid, rid şıma hayînûn ra nişka hûkûmat arid. 

Ene merdim brayê ey merdimu yo.

Mebus hers Efendî ser ra fêq yin kilît benû, cêyê xo di benê zûa.

Efendî cad qale xo ser Malla Seîd ra vuno:

— Kurdo, varz itya, cê ma merdimun niyo, cê teresuno. Vurzen, wo kuenê tewer.

Eyya şew Efendî Malla Seîd ra vuno:

— Kurdo, yew pelê kagid biyar, ez vuno ti yew istida binus.

Efendî vuno, Malla Seîd nuseno. Istidayê yî vaazê cumîyan caverdişî ya.

Malla Seîd şaş benu, vuno:

—  Efendî? Qey to gurey xo caverdenî?

Efendî vuno:

— Kurdo, camiyerdi xo ez nêduno eyn. 

Nê şerefê eyê mîno; ez yîn nêduno.

Irfan KAYA