Hêci Hêlil êsle xwi Bayburt ra bı ,kalıkê ê verî yeno Bidlis dı cuwiyeno.
Dıma amêy Darêhêni dı ca da û xwe. Ew waxt Darêhênî bestê Bıdlıs bı.
Darêhênî dı yew mude Hêcî û qesab Mêhyeddin(Muhittin Ademci) piya tücarê kerdıbî.
1936 di Colig bıbı wılayet Hêcî kê xo Darêhênî'ra hêwılnenû Çolig. Yew mude û derg Hêcî û lacê ê Çolig dı tücarê kerdınî.
Hêcî Hêlil homa rehmê xwe pê bıku zaf ğeyret yew merdım bı. Hêttan mergê xo dıkanê ey qucê Belediyê dı estıbı, hem zî nalbandê kerdınî. Idarê kê ey zaf rındıbı, wariyat ey gore piltiyê tede çınêbi.
Şarî ma heywûn xwe ardinî dıkanê Hêcî, Hêci zî lingê heywûnu nalê kerdinî. Hêcî têna sibayra hêttan nimêroc nalê kerdinî badî nimêroc nalê nêkerdinî.
Heywûnun rê rê miz kerdinî çılkê mizê heywûnun perrênî ê ser, çerray keyfê xo nêxerepnênî.. Gurê xo qedinênî şinî cıl xo bedelnênî honc omênî dikanê xo di vinertinî.
Hêcî zuvanê ma zazaki zi rind zonenî, terraqê e zi zaf wesibî.
Dikanê zomê ma û dikanê ê pabestê yew binan bî. Ma rê rê kulsê qıjık êştini teber û ronıştin. Hêcî Hêlil zî omênî ma het dı ronıştinî û marî qısê weş kerdinî.
Yew ruec Darêhênî ra rêhmeta Sêid Erdem(Sêid Kerim Êbbas) omebı dıkanê ma. Sêid Maliyê di xebityenî. Ma verî dıkanê xo dı çay şımıtinî, Hêci zî verê dıkanê xo dı ronıştıbî. Bınatê Hêcî û Sêid rınd nyêbi, ew semedra nomebı ma het. Teraqê Sêid zî zaf weşıbî,ma zonênî Sêid Hêcî ra hês nêkenû.
Ma xort zî bınê nehsıbî, ma çend pers derheqê Hêcî û kê eyn Sêid ra pers kerdî. Ma zonênî Sêid derheqe Hêcî dı qalan weşû nêkenû.
Ma va :
- Xal Sêid , qey kê hêcî yin hem qomê yin qija hem zî cêr'ra zaf werınî?
Xal Sêid :
-'Şar wenû dun qomır nı kê nalbend wên dun qın'ir.'
Na qalê Sêid ser ma huyayışra a roc fatısyêbî.Her dı heme zi eyr dinyad niy.
Rêhmê homay her dı hemin ser bo.
Irfan KAYA
Hiç yorum yok:
Yorum Gönder