SUCÊ CÊNUNO?

Yew merdim zewciyabi yew mudê û derg cir qij nıbinî.

Ê merdim piyore heqimon û nêweşxononra cêne xo çarnênu.Qayilo semeday qij a yew dermun vênû.

Sobina mallon û ziyarûn zi çarnenû,la belê nêşkenu yew dermon semeday qij biyayiş vênû.

Daykê ê merdim zi zor nuna lacê xo ser vuna :
-Na cêne to qijan neuna tı gera bızewci.
A merdım zi cêne xora zaf hês kenu,qayil niyu cêne xo ser yew wesnî biyaru.
La belê cêne ê merdim zi zaf fendkera pê weyinu û fendun mêrdê xwi hol bestena xoya. Çimê ê merdim bê cêne xwe kes nêvinenu.
Cênî qayila vısturiyê ey fekê xo yê ra veradu.
Cênî û mêrdê yê xo miyandi yew pilon vırazênî.
Cêni vuna:
-Mêrik ti zî şue mêine bi,dima bê dayê xo ra vacê qij mira nıbeni, encax ew waxt dayê to fek xo mara veradu.
Mêrik qabul kenu.Daykê xo ra vunu:
-Dayê ez ha şina bacar heqim(Dr) het, ez qayila meinê bibi, bölû niyu bêlya qij mıra peda nıbenî?
Qalê lacê ey qet weşê dadî neşınu.
Dadî vûna :
-Lacem şue ez zona suc to niyu, cara ena cêne to qijun nêuna,qayila sucê xo tue serakû.

Lacê ê şınû heqim het. Hêkim yew hakê ê merdim tera vêcenu vunû 
-Ma hakê to cerebnênî, badî yew aşm tı honc yen ma hakê to finênî ca û pêyinê meinê(kesın sonuc) ez duna to.
Badî yew aşm merik şınu hêkim het. Hêkim hakê ey finenû ca û mêrik tepiya ageyrenû yenû kêye.
Daykê ey pawe lacê xo ya. Lacê ey yenû kyê dayk pers kena û vuna:
-Lacêm de vac, hêkim tora wa se?
Lac vunû:
-Dayê hêkim wa qij tora nêbenu sucê cêne to çinu.
-Dadi zaf lacê xwî ri qehriyena û vuna:
-Lacêm ena kerdinê to ez kişta. Şar şınu merdim kışenu honc suc xwi ser nıgenû.
Ti şi suc piyor girot xwê ser û omê kêye. Eka ez sêni fekê ena kêne qebraxra qediyenu?
Homa tue islêh bikû. Ez heqê xo tora helal nêkeno.

Irfan Kaya