MEZÊL PÎRÎK NAZ

Niyazi AZAK dewe Darêhêni Valêr'ra wo.

Kuek'ê ê vatisan gorê Armini û.

Niyazi çerrê eslê xo înkar nêkerdî. Beste kuekê xo bî.

Lacê Apê yê rehmeta Hêtip beste kuekê xo nêbî, pa nêya nijadpereste (milliyetçi) Tirkan kerdinî.

Xêtib teqawît bîbî Çoligid yew mude û derg, Taxsicî kerdinî.

Yew ruec, İstanbul'ra yew Arminî Valêr, qayîlo dewe bavkalon xo bivînû.

Dunû ra yeno Çolig. Persê dewe xo keno. Çoligij vûnî:

— Encax Xêtip, tu eşkenû berû Valêr.

Arminî şinû Xêtîb vênenû. Bazar xo kenî, Hêtib ê benû Valêr.

Hema dew nêrasênî, kiştê rahar di mezêl dew estî.

Arminî Xêtib'ra vûnû:

— Vinder!

Arminî yenû war û şinû miyan mezelon.

Oniyenû yew kerrê mezêl ser, di Sinc nişto.

Arminî Xêtib'ra vûnû:

— Ni mezelê kam merdimo?

A mezel mezelê pîrikê Xêtib'o. La belê Xêtib zûr kenû, waharê mezêl pîrikê xo nêveciyenu û vûnû:

— Ni mezel yew Naz esto Çoligid. Partiyê HADEP di endamo. Çolig piyor ê xerepnawa. Ni mezelê pîrikê ê yo.

Arminî dewê xo geyreno, resiman oncenû, hetê yêriya ageyrenû Çolig.

Çimê Arminî Xêtib nêtepiştû, xeberan Xêtib sera merak kenû, qayîlo Niyazi vinû.

Ruec bin pers kenû, şinû Niyazi het.

Şîyayîş xo Valêr Niyazîra vûnû:

— Ya merdim, vizêr yew Taxsicî ez berda Valêr.

Ez mezelan di ame wo, war şîya miyan mezelan di, gêrayê qalikon xo.

Yew mezel diqêt mi ont. Mi Taxsicîra pers kerd.

A mezelê yew Arminî bî. Ez Taxsicîra waharê mezêl persa wa.

Qalê Taxsicî zaf zor mina şî.

Taxsicî wa:

— Ni mezel pîrikê Niyaziyo.

Niyazi zaf xirab yew merdimû. Qalan Xêtib serra mi wehd kerdibî. Ez hettûn tuê nîvên, ez Çolig'ra nêşîna.

Sebebê amêyişê mi eno.

Niyazi ageyreno, Arminîra vûnû:

— Belê, kuek mi zî Arminîyû. Mi çerrê xo înkar nêkerdû. “Kam xo înkar bıkû, Hêrumzadê û!”

— La tuê Xêtib'ra nêwa o merdim pîrikê tuê zî nîyû?

Meyman vûnû:

— La bra, mi çar'a zonenî yo, zî tornê Sinc'o.

Merselê Arminî, Naz û Xêtib nî qedewa.

Bımonin weşîd.

Irfan KAYA