Hecî Temir, dewê Sêkarun, Belzer ra bi. 1980 ra pê zaf omer bi şinasnayiş.
Hecî Temir, kam vali tayîn bibîn Çolig, yo qeyde xo rasnêni û ê het. Tirkîyê ey zaf çinêbî, zaf rê qalî qeldapêy fekê êy ra veciyênî. Mehmur pilî yî şinasnênî, zonênî Tirkîyê ey zaf xurt nîya. Çi biwatinî goş dênî yî û pê qer xo ardên.
1980 de Çolig yew newê vali İsmet Metin ome bî. Vali yew kemalist û pîl, dişmênê Bizûn û Klawon bi.
Vali nêverdênî kes Bizûn wêyikû. Dewun Çolig di hemin Biz xwe rotibî, têna Mangê kerdin wêyî.
A diyin zî kam dewic bimenî Çolig, klawê ê bibinî Polês, şînî klawê eyn sarê yîn ra girewtên û dênî arî. Nê waziyet zaf weşê Çolîgicun nişênî. Waxt örfî idarî bi, o semedra tewe Çolîgicun dest ra nomênî.
Hecî Temîr zî dostê ê kemalist bi.
Yew ruec vali Hecî ra vunû:
— Hecî, sen kaç yaşındasın?
Hecî vunû:
— Ez nizono ez cend serrê ya.
Vali vunû:
— Ez zono ti çend serrê.
Hecî vunû:
— Valî beg, ez çend serrê ya?
Vali vunû:
— Hecî, ez yew pers tora persena. Ti raşt vacî, se ez serran to tora vuno.
Hecî vunû:
— Kerem bik, Valî beg.
Vali vunû:
— Hecî, Şex Said isyanı çıktığında kaç yaşındaydın?
Hecî vunû:
— Valî beg, ben o zamanlar daha yeni yeni kızların arkasından geziyordım.
Vali vunû:
— Hecî, bir insan 15 yaşında ergenlik çağına gelir. 1925 yılında sen on beş yaşındaydın. Şimdi yıl 1982. 1925'ten 15 yıl geriye gidersek sen 1910 doğumlusun. Demek ki sen şimdi 72 yaşındasın.
Vali qayilo Hecî ra derheqê Kiyamê Şex Said ra xeberan bigero. Serran Hecî keno mêhnê.
Vatışan gorê Hecî, çi havadîs Çolîg di bibinî, rasnênî valî.
Valî zî hem goş dênî xeberan yî, hem zî pê qer xo ardênî.
Yew mudet ra pê, valî tayîn benû Anqere.
Herinê ê zî sobina Kurtuluş Şişmantürk bibi valîyê Çolîg.
Hecî Temîr qayîlo şêrû valîyê newî het û dostê valî bi.
Rocêk dûn ra şinû maqamê valî. Sekreterê valî yî nêhesîyena. Yo dun bêr û şinû valî het.
Valî unêno: Kal û êrdiş spî yew merdim kotu zere.
Valî hema yira pers nêkerd:
— Ti kom çı kesî?
Hecî Temir qalê xo vunû:
— “Weeey İsmet gêtmiş, kısmet gelmiş!”
Na qalê Hecî weşê valî nêşina. Valî zuno ni merdim dostê ê kemalisto. Valî cîrgenû yi ser vuno:
— “Bak ihtiyar, burası valinin makamıdır. İsmetlerin değil. Haydi, şimdi dışarı!”
Ri Hecî nêdun. Hecî pê goşê xo keno û kueno teber.
Şarî Çolig, Kurtuluş Şîşmantürk ra hes kerdinî.
Valî xo miletra hêsebinênî. Tim mîyanê şarî Çolîg de gêrenî, deston xwe pêra girêdênî û tüzbê yi zî tim destê yid bî.
Şînî qaxwexonê de mîyanê millet de sê Çolîgicun niştênî, rue û şarî ma di teraqnênî.
Ew waxt Anavatan Partisi (ANAP) iktidar bî. Valî vatê serbazê partîyê ANAP nêkerdênî.
Rehmeta Hecî Hekkî Artukaslan, vekîlê Çolig, û qismêk merdiman valî ra hês nêkerdênî.
Şiy gerrê valî huqmat de kerdibî.
Dima huqmat valî Çolîg ra gíroti bî merkez.
Valî mîyan yew ser di dinyay xo bedelnay. Vatişan gorê, huqmat valî Çolîg ra girewti bî.
Yo zaf qehriyaybi û pê a qehr ra merdi bi.
Valî Hecî fetelnabî; ew semedra Hecî ê ra hês nêkerdênî.
Dima yewna valî tayîn bibi Çolig: Namê ey Ahmet Özer bi.
Hecî honc yew qeyde xo rasnabi ê û bibi dostê valî.
Yew ruec valî û newe şinû Germaw.
Huqmat Germaw di bonê newe viraştibî.
Valî semeday akerdişê bonon şibi Germaw.
Hecî zî şinû kombiyayişê akerdişî.
Cêne valî zaf rindi bî. Lacê valî zî Anqere di tehsîlê xo kerdinî. Bibî Emnan, omebî babî û dadîyê xo het.
Hecî dostê valî bi la, gera nêzdê valî di ronişu. Yew qeydê kiştê valî di ca dunu xwe. Çim yi ginêno lacê valî.
Hecî vunû:
— Valî beg, bu oğlan kimdir?
Valî vunû:
— Hecî, oğlan benim oğlumdur.
Hecî vunû:
— “Weyyy Valî beg, inon bene êynî anasi güzel!”
Yena famkerdış: Hecî waştibi vaco daykê lac zaf rinda.
Valî vunû:
— “Evet Hecî, êynî anasi güzel!”
Homa rehmê xo pê bikû.
Hecî Temîr zî valî û mehmurun pîllon ra hês kerdinî; tekîlyatîyê xo eyn di viraştînî.
Irfan KAYA
Hiç yorum yok:
Yorum Gönder